It tilt op 't heden op fan wurkbuskes, mei allegear boumantsjes en -wyfkes. It hiele doarp leit op syn kop. Strjitlizzers pakke stoepen oan, de sportkantine kriget in nij dak, de Haven leit noch folop yn renovaasje, der is nijbou foar Boonstra Rioolservice en dan is de wenningbou ek noch drok dwaande yn in tal wennings. It moat earst op syn mâlst, mar dan leit alles der straks wer strak by.
Eltse earste freed fan de moanne is der in lytse Versmarkt yn Reduzum, by Ale en Marjan de Jager fan Iel en mear, Oan it Swin 9. Hawwe jimme dêr noch nea west? Kom gerêst ris del, priuw de gesellichheid, nim in fergees bakje kofje of tee en sjoch ris rûn. Foardat de Versmarkt yn Reduzum start gean se earst on tour en op wol Goedfreed 3 april yn Wytgaard. By Frederika’s taarten en sa, oan de Meekeshof 1, in moai plak foar dizze peaskemerk. De Versmarkt is eltse kear fan 14.00-17.30 oere. En wat is der sa al te krijen? Versmarkt Reduzum.
De bern fan groep 5 en 6 sjogge eltse wike út nei de kreamiddei. Se fine it leuk om sels wat te meitsjen en binne tige entûsjast. Sa nifelje se mei-inoar. Der wurdt haakt, itensean of boetsearre yn it klaai-atelier. Liket it jimme aardich om mei de bern in aktiviteit te dwaan, nim dan kontakt op mei juf Hilly of master Mark.
Sit der al wer genôch lucht yn de bannen? Fan april ôf giet de fytsklup der wer op út. En jim kinne meifytse. De earste kear is op 1 april, we gean om 13.30 oere fuort. Dêrnei op 6 maaie, 3 juny, 1 july, 9 septimber. Op 12 augustus sille we de hiele dei fuort. De ôfstannen binne op sa’n middei ûngefear 35 oant 45 kilometer en de groep stekt fansels ûnderweis ek efkes oan.
Opjaan yn ’t foar is net nedich, elts dy’t graach fytse mei, is wolkom!!!! Start by it kafee.
De Stichting Sportbelangen organisearret al jierren de kollekte Fonds Gehandicaptensport. Dit jier komme kollektanten del fan 29 maart oant 4 april.
Wisten jim dat de helte fan it jild dat yn ús doarpen ophelle wurdt, te’n goede komt oan foarsjennings foar handicapte sporters hjir yn it doarp.
Yn de foarige edysje fan Linepraat hat Henk al in stikje skreaun dat der wat barre sil op ús sportkompleks. De ôfrûne jierren hat it enerzjyferbrûk en ferduorsuming flink yn de belangstelling stien. En terjochte fansels, nei de ynvaazje fan Ruslân yn Oekraïne en no mei de oarloch yn Iran fleagen en fleane de enerzjyprizen de panne út. Ek stiet it klimaat tsjintwurdich noch stevich op de aginda. Beide saken ha by de sportstichting de eagen iepene om it gebrûk fan enerzjy nei ûnderen te krijen. De oansletten ferienings sitte net te wachtsjen op noch hegere lêsten. Reduzum sil enerzjyneutraal sporte.
Frienzer Sietske Hijlkema zet haar met sportiviteit in als deelnemer bij de Hollandse 100. Dit betekent komende zondag 90 km fietsen en 10 km schaatsen in Heerenveen. Dit doet ze samen met prins Bernard jr! Om een beetje indruk te kunnen maken is elke euro daarom van harte welkom. Samen met Janny, de zus van Gerben 20 jaar, die overleden is aan lymfeklierkanker, doen ze dit om geld in te zamelen voor onderzoek naar behandelingen tegen kanker. De dames laten zich graag sponsoren als sportteam. Viva la Vida.
Mei rein en hurde wyn
mar ek mei sinneskyn
is der altyd ien dy’t strielt,
en dat bisto!
Dit jier kriget Pleatslik Belang Friens fan ús Doarpsmûne 1.950 euro en de Sportstichting 5.850 euro fan de lederied fan de mûne om mei duorsumens oan de gong te gean. De Sportstichting sil mei it beskikber stelde budzjet oan de gong om de sportkantine takomstbestindiger te meitsjen.Yn Friens is de bydrage bestimd om in part fan de ferduorsuming fan it doarpshûs It Lokaeltsje mooglik te meitsjen. Nei de simmer komt der wer in oprop om mei aktiviteiten foar leefberens te kommen. Mei tank oan de doarpsmûne fan Reduzum, it is ús mûne.
Mei de jiergearkomste fan Linepraat hat Menno Wiersma ôfskied naam as foarsitter. As opfolger is Sieger Rinsma ree fûn om it bestjoer te lieden. Om dit te fieren wie der yn it skoft foar de oanwêzigen noch in lekker stik taart fan Fredrika's Taarten. Dat giet der altiten wol yn.
Jierferslach 2025
